نشست سالانه نوروز با حضور شاعران و چهرههای فرهنگی افغانستان، ایران و تاجیکستان در دوشنبه برگزار شد
نشست سالانه نوروز، با حضور شماری از شاعران و فرهنگیان افغانستان، ایران و تاجیکستان، روز پنجشنبه ۲۸ حوت در شهر دوشنبه برگزار شد و ضمن بزرگداشت نوروز، فرصتی برای تبادل فرهنگی و گفتوگو درباره تاریخ و تمدن آریایی فراهم کرد.
خبرگزاری آگاه
این برنامه با سخنرانی افتتاحیه قابلجان خوشوقتزاده، رییس آکادمی ملی علوم تاجیکستان، آغاز شد و سپس پروفسور مسرو عبدالله، مشاور ارشد دستیار رییسجمهور تاجیکستان، و عبداللهزاده ابراهیم، معاون رییس جمعیت دوستی و روابط فرهنگی تاجیکستان با کشورهای خارجی، پیامهای تبریک خود را ارائه کردند.
در این نشست، شاعران و چهرههای فرهنگی افغانستان از جمله لطیف ناظمی، تانیا عاکفی و مژگان ساغر حضور داشتند و شماری از شاعران و فرهنگیان ایرانی نیز در برنامه شرکت کردند.
همچنین داکتر نجیبالله مسیر، معاون صدارت سابق افغانستان، و فیاضالدین غیاثی، دیپلمات پیشین کشور، در این نشست حضور یافتند و بر اهمیت نوروز بهعنوان نماد وحدت و همبستگی فرهنگی تاکید کردند.
این نشست همهساله برگزار میشود و از سال ۲۰۱۵ میلادی، پس از دستور امامعلی رحمان، رییسجمهور تاجیکستان، در زمینه پژوهش تاریخ و تمدن آریایی و ایجاد مرکز بینالمللی نوروز، فعالیت خود را آغاز کرده است. برنامه امسال نیز بهعنوان فرصتی برای تقویت همکاریهای فرهنگی میان کشورهای منطقه و پاسداشت میراث نوروز برگزار شد.
